Оддын гэрэл зурагчин Энни Лейбовицийн шилдэг кадрууд

 

Алдарт зурагчин Энни Лейбовицийн хамгийн дурсамжтай, хамгийн шилдэг дөрвөн кадрт Мик Жаггер, Дэми Мур, Арнольд Шварценеггер болон II Хатан Елизабета нарын патиарууд багтдаг. Тэр бол товчхондоо хувь хүний зан характер, мөн чанар, цаад түүхийг гэрэл зургийн тусламжтайгаар үггүйгээр илэрхийлэх чадвартай зурагчин. Алдарт зурагчин маань зураг авалт тус бүрийнхээ талаар ийн дурссан байдаг.

 

Mick Jagger

1970-аад оны үед Rolling Stone-д ажиллаж байхдаа хамтлагийг хотод орж ирэх хүртэл нь бид зурагнуудыг нь авдаггүй байсан юм. Нэг удаа зургийг нь авахын тулд би их хол аялах болсон юм. 1971-1972 оны үед Rolling Stone хамтлаг Сан-Францискод айлчлахад нь л тэдний зургийг анх дарлаа. Турмэн Капоте сэтгүүлд зориулж 1972 оны тойрон аяллын түүхийн талаар бичих байсан юм. Харин эрхлэгч Жэнн Вэйнер намайг хоёр, гурван хотоор аялахад O.K. хэмээн зөвлөсөн юм. Роберт Фрэнк хамтлагийг дагалдаж 16 минутын богино хэмжээний уран сайхны кино хийж байсан үе. Хамтлагийн гишүүд түүнд бүрэн эрх олгосон байсан хэдий ч нэг ч удаа уг бичлэгийг гаргаагүй. Магадгүй бичлэгэнд архидалт болон сексээс өөр зүйл байгаагүй байх л даа. Удалгүй энэ хэрэгт Дэнни Симор, Фрэнкийн найз болон зургийн туслагч нар ихээхэн орооцолдсон байсан нь тогтоогдсон. Тэрээр бичлэг завсарлаганд орж байх үед нууцлагдмал, үл тайлагдах явдлын улмаас нас барсан юм.

Demi Moore

Жирэмсэн мөн нүцгэн Дэми Мурийн зураг анх 1991 онд Америкийн алдарт Vanity Fair сэтгүүлийн нүүрэнд гарч, нэлээд шуугиан тарьж байсан үеийг дурсахад хэцүү. Зарим хүмүүсийг тэр чигээр нь шоконд оруулж байсан бол, өнөө үед шилдэг зургаар тодорсон гэхэд итгэмээргүй.
Эхний үед сэтгүүл Гранд зочид буудлын төвд, өглөө ажилдаа яарч буй хүмүүст хурдан хугацааны дотор худалдаалагдаж байлаа. Харин бусад газрууд сэтгүүлийг худалдаалахаасаа татгалзаж байсан буюу порно сэтгүүл болсон хэмээн шүүмжилж байсан юм. Улмаар ихэнх супермаркетууд сэтгүүлийг боолттой чигээр нь буцааж эхэлсэн гэдэг. Мөн телевизийн сурвалжлагчид ч Vanity Fair сэтгүүлийн газрын үүдэнд цугларч, өдөржингөө юм болдог байв. Харин хэдхэн жилийн дараа биеэ тэвэрсэн эх хүний нүцгэн зураг худалдаанд дахин гарахдаа жинхэнэ урлагийн бүтээл гэдгээ мэдрүүлж чадсан юм.

Arnold Schwarzenegger

Анх Арнольд Шварценеггертэй би 1975 онд түүнийг өмнөд Африкийн олимпийн мистер бодибилдингийн тэмцээнд оролцож байх үед нь хамтран ажиллаж эхэлсэн юм. Тэгэхэд Арнольд 28 настай залуухан эр байв. Тэрээр тав дахь удаагаа олимпийн мистерийн эзэн болж, амрах бодолтой байлаа. Тэрээр кино урлагт азаа үзэхээр төлөвлөж байсан үе. 1975 оны Олимпийн Мистер тэмцээн нь Жорж Батлерийн Pumping Iron баримтат киноны үндсэн суурь буюу тухайн үед бодибилдинг өргөн дэлгэрч мөн Арнольд жинхэнэ эр гэдгээрээ олны танил болж байсан үе гэхэд болно. Батлер миний мэдэхээр Женн Веннерийн найз байсан юм. Би сайн санахгүй байна л даа, гэхдээ өмнөд Африк руу аялах нь тэр үедээ баяр ёслолын арга хэмжээ байсан аж.

Elizabeth II

2007 онд Английн хатан хаан II Елизабетg 400 дэхь ойн баяраа тэмдэглэх гэж АНУ-руу явахаас хэдэн долоо хоногийн өмнө надад түүний зургийг авах санал ирсэн юм. Ингэж би хатан хааны ордонд очиж өөрийнх нь зургийг авах Америкийн хамгийн анхны гэрэл зурагчин болсон. Мэдээж энэ бол нэр төрийн хэрэг. Бусад зурагчин эсвэл зурагчдын дэргэд би Америк гаралтай бөгөөд илүү онцгой эрхтэй мэт санагдаж байлаа. Гэхдээ ийм алдартай хүмүүсийн дэргэд байна гэдэг бол нэг бодлын нэр төртэй хэрэг боловч нөгөөтэйгүүр төвөгтэй. Учир нь сурвалжлагчдаас авахуулаад олон асуудал үүсдэг юм. Сүүлд хатан хааны зургийг нийтэлсэний дараа зөндөө маргаан үүсч байсан л даа. Тэдний нэг нь ВВС агентлагийн сурвалжлагчид биднийг хатан хааныг доромжилсон, зураг авалтын үед түүнийг шууд босоод өрөөнөөс гарсан гэх яриа гарч байсан шүү. Энэ бол тэр чигээрээ цуу яриа байсан гэдгийг хэлмээр байна. Гэхдээ удалгүй бүгд хатан хаан болон надаас уучлалт хүссэн юм.