Ардын жүжигчин А.Долгор:

Ардын жүжигчин А.Долгор:
Муухай үгийг хайртаасаа харамлах хэрэгтэй
Ардын жүжигчин А.Долгорыг сэтгүүлийнхээ “Зочин”-оор урьж ярилцлага авахаар цаг болзлоо. Гэтэл Ардын жүжигчин маань болзсон цагтаа ирсэнгүй. Тэгэхээр нь утас цохин болзоогоо мартчихав уу гэтэл “Үгүй ээ, мартаагүй. Нэг ажил гараад одоохон очлоо” гэж байна. Төд удалгүй тэрбээр ирчихсэн “Та нар хаана байна. Ороод ирэх үү. Би өрөө рүүгээ орлоо” гэж утасдав. Ингээд бидний яриа эхлэв. Монголын урдаа барьдаг дуурийн дуучдын нэг, олон түмний хайртай дуучин түүний тухай ярилцлагын эхэнд элдэв тайлбар, танилцуулга хийх нь илүүц гэж бодлоо. Учир нь түүний хийж бүтээсэн бүхнийг уншигч үзэгчид маань мэддэг, хэдийнэ хүлээн зөвшөөрдөг, хайрлан хүндэтгэдэг болсон билээ.